Venus Corinthia [23]

§.23

                         -----------------------------------

XXXVIII. Fortasse propter erectionem in profano loco, qua spectantium 
religio in Venerem decreuit, hoc signi vitium manifestius uisum est quod 
eius caput corporis staturae non optime congruebat, quia minor exspectatione 
erat. Inde a populo Romano Microcephalam cognominatam. Oportet tamen 
cautiorem uel rei conscium esse ut id paruum uitium animadvertatur, 
uitiumque hanc Veneris statuam in opera Callimachi accipi et eam uidere 
nihil obstat.»

XXXIX. - Quid, inquam, in eis lineis, cuiuis gazam in Veneris lateribus 
conditam esse, indicet non uideo.

- Tecum consentio, inquit Saecularis. Hunc locum Zenodori cognoui et 
possessor statuae sum, at tamen numquam in mentem meam uenit eam manu 
temptare ad thesaurum inueniendum cuius nemo mentionem fecit. Mea sententia, 
fur ipse alia documenta tenebat sed omnesne Vrbis bibliothecae mihi 
frequentandae erunt ut forte indicia inueniam? Furem potius insequamur? 
Quid, mi Dexter, de sententia mea sentis?

                         -----------------------------------


-- 
Caligula
Pontifex Maximus, Imperator, Pater Patriae.