Venus Corinthia [19]

§.19

                                --------------------------

 XXXIII. - Sed quo modo potuissem ? Est enim difficile somno se dare, cum a 
primo crepusculo plaustrariorum uociferationes et boum ungulas et currorum 
rotas iumentorumque uagitus inuitus audias. Praeterea domus mea compitum 
contingit, quam noctu, ad uigiliam secundam, plaustrum, quo vicorum 
purgamenta eripiuntur, praeterire solet ut in cloaculam, quae in imo uico 
Capitis Africae est, sordidum onus  immittat. Nec dico uigilum excubias qui 
silentio vicos circumire  non possunt. Cum maxime, proxima nocte, dormire 
incepimus, Hercle, in confinibus domibus insulisque incendium ortum est. 
Non solum, ut cernis, nocturnas molestias, dum somnum peto, exsecror, sed 
tali strepitu animi ab attentione auertuntur.

                                --------------------------

-- 
Caligula
Pontifex Maximus, Imperator, Pater Patriae.